Qendra "Konsumatori Shqiptar"
Qendra “Konsumatori Shqiptar” sjell perspektiva të ndryshme rinore dhe është e përkushtuar për mbrojtjen e të drejtave të konsumatorit në Shqipëri. Qëllimi ynë është të rrisim ndërgjegjësimin dhe kuptimin e këtyre të drejtave tek popullsia, duke kultivuar një kulturë konsumizmi të informuar. Përmes iniciativave vullnetare, ne angazhojmë dhe fuqizojmë studentët shqiptarë, duke e bërë organizatën një zë të fuqishëm për të drejtat e konsumatorit dhe duke punuar për të rritur ndërgjegjësimin tek të gjitha grupmoshat.
Hap pas Hapi
Sfondi dhe Eksperienca
Qendra “Konsumatori Shqiptar” është një organizatë jo-fitimprurëse, e regjistruar zyrtarisht më 1 Tetor 2014 me vendim të Gjykatës së Rrethit të Tiranës. Veprimtaria e saj shtrihet pa kufij në të gjithë territorin e Republikës së Shqipërisë. Qendra u themelua vullnetarisht nga tre anëtarët e parë të bordit, me qëllim përfaqësimin e të drejtave dhe interesave ligjore të konsumatorëve individualë ose kolektivë shqiptarë. Ajo dallon si një nga pak organizatat që veprojnë në fushën e mbrojtjes së të drejtave të konsumatorit në Shqipëri, duke qëndruar me sukses në treg, pavarësisht specifikës dhe fushës së qartë të grupit të synuar dhe të veprimtarisë së saj.
Fuqizojmë konsumatorët me njohuri dhe zgjedhje të ndershme
1
Vizioni
Një shoqëri ku çdo qytetar është i informuar, i mbrojtur dhe i fuqizuar si konsumator — ku tregu funksionon në mënyrë të drejtë, transparente dhe me përgjegjësi ndaj individit dhe mjedisit.
Një Shqipëri ku të drejtat e konsumatorit respektohen, ku institucionet veprojnë me integritet dhe ku zëri i qytetarit ka peshë reale në politikëbërje dhe në marrëdhënien me biznesin.
2
Misioni
Të përmirësojë cilësinë e jetës së konsumatorëve të zakonshëm, veçanërisht të atyre më të cenueshëm, në lidhje me mallrat dhe shërbimet, produktet ushqimore dhe jo-ushqimore, transportin, mjedisin, edukimin, grupet e margjinalizuara, të drejtat themelore, shëndetësinë, etj. Ky mision realizohet përmes informimit, ndërgjegjësimit, ndihmës ligjore dhe administrative, si dhe forcimit të kapaciteteve përmes studimeve, manualeve dhe iniciativave zhvilluese. Fushat e veprimtarisë së Qendrës përfshijnë sigurinë ushqimore, produktet jo-ushqimore, shërbimet bankare, kontratat e konsumatorëve, mbrojtjen e të drejtave të pacientëve, mbrojtjen e mjedisit, të drejtat e pasagjerëve, fuqizimin e të rinjve, mbështetjen e grupeve të ndryshme, parandalimin e diskriminimit dhe më shumë.
3
Qëllimi
Synon të sigurojë informacion të besueshëm dhe të qartë për qytetarët mbi të drejtat e tyre, të forcojë mekanizmat ligjorë dhe institucionalë të mbrojtjes së konsumatorit, të nxisë përmirësimin e praktikave tregtare dhe rritjen e transparencës, si dhe të përfaqësojë konsumatorët në proceset e politikëbërjes dhe monitorojë zbatimin e legjislacionit përkatës.
4
Mbrojtja dhe promovimi i të drejtave të konsumatorëve
Qendra Konsumatori Shqiptar punon për mbrojtjen dhe promovimin e të drejtave të konsumatorëve përmes informimit të saktë, ndërgjegjësimit publik dhe përfaqësimit të interesave të tyre pranë institucioneve dhe aktorëve ekonomikë.
Aktivitetet
OSFA
Aktivitete informuese mbi ankesat e konsumatorëve me institucione të ndryshme
Gjatë viteve 2015, 2016 dhe 2017, Qendra “Konsumatore Shqiptare” mori mbështetje nga Open Society Foundation për Shqipërinë, duke zhvilluar aktivitete të ndryshme informative dhe ndërgjegjësuese, përfshirë seanca trajnimi për grupe të ndryshme rinore dhe studentë universitarë, ndjekjen dhe trajtimin e ankesave të konsumatorëve me institucione të ndryshme, mbulimin mediatik përmes kanaleve kombëtare dhe lokale të televizionit dhe gazetave, si dhe përgatitjen e materialeve informative si broshura, video dhe konkurse.
Lëviz Albania
Përmirësimi i cilësisë së shërbimit të transportit brenda qytetit në Bashkinë e Durrësit
Gjatë viteve 2016-2017, Qendra zbattoi projektin “Përmirësimi i cilësisë së shërbimit të transportit brenda qytetit në Bashkinë e Durrësit,” i mbështetur nga Lëviz Albania. Ky ishte projekti i parë që jo vetëm u zbatuan në Bashkinë e Durrësit, por u shtri gjithashtu në të gjitha bashkitë e vendit. Për herë të parë, u përgatit një raport monitorimi me qëllim rritjen e nivelit të përmbushjes së detyrimeve të bashkisë ndaj konsumatorëve-pasagjerë.
SCPA
Një ditë me Policinë Rrugore në qytetin tim
Nga janari deri në qershor 2018, Qendra zbatoi me sukses projektin “Një ditë me Policinë Rrugore në qytetin tim,” i mbështetur nga Ambasada Suedeze në kuadër të projektit SCPA. Kjo iniciativë u fokusua në pjesëmarrjen aktive të të rinjve nga katër shkolla të mesme në Durrës. Qëllimi i projektit ishte të trajnonte të rinjtë si përdorues të rregullt të rrugëve, si në aspektin teorik ashtu edhe praktik. Duke filluar nga janari, në shkollat e mesme të Durrësit u zhvilluan sesione periodike informative nga punonjës të Policisë Rrugore për të edukuar nxënësit mbi rregullat e trafikut, duke nxitur bashkëpunimin midis Policisë dhe komunitetit. Projekti arriti të angazhojë të rinjtë me institucionin e Policisë për të adresuar çështjet e sigurisë rrugore.
OSFA
Shtëpia e Konsumatorit
Nga qershori 2018 deri në maj 2019, organizata zbatoi projektin “Shtëpia e Konsumatorit,” të mbështetur nga OSFA, me synimin për të forcuar dhe përmirësuar mbrojtjen e të drejtave dhe interesave të konsumatorëve në Shqipëri, veçanërisht në rajonet e Tiranës dhe Durrësit. Projekti arriti të informojë dhe të rrisë ndërgjegjësimin e konsumatorëve mbi të drejtat e tyre dhe mënyrat e adresimit pranë institucioneve të administratës publike për mbrojtje. Konsumatorët në nevojë, përfshirë anëtarë të komunitetit rom dhe individë në kushte të vështira ekonomike, ngritën kryesisht shqetësime që lidhen me furnizimin me energji elektrike, faturimin dhe vështirësitë në përmbushjen e detyrimeve që rrjedhin nga marrëveshjet me furnizuesin e energjisë (OSSH). Në bashkëpunim me klinikat ligjore të mbështetura nga Open Society Foundation for Albania, organizata ofroi asistencë për trajtimin e këtyre rasteve. Një studim mbi ndërgjegjësimin për të drejtat e konsumatorit, i kryer nga organizata, tregoi se mbi 70% e ankesave kryesore kishin të bënin me furnizimin me ujë dhe energji, duke nxjerrë në pah mungesën e ndjeshme të reagimit institucional nga entet përgjegjëse.
Cilët jemi
Qendra Konsumatori Shqiptar është zëri i konsumatorëve në Shqipëri. Ne angazhohemi për mbrojtjen dhe promovimin e të drejtave të konsumatorëve përmes informacionit të saktë, ndërgjegjësimit publik dhe përfaqësimit të interesave të tyre. Synojmë të fuqizojmë qytetarët për të marrë vendime të informuara, të sigurojmë praktika tregtare të ndershme dhe transparente, dhe të përfaqësojmë konsumatorët në proceset e politikëbërjes. Duke forcuar mekanizmat ligjorë dhe institucionalë, punojmë për një treg ku çdo konsumator respektohet, informohet dhe dëgjohet.
11
Vite Eksperience
20+
Projekte të Realizuara
12+
Publikime dhe Kërkime
2k+
Përfitues
“Akademia e Konsumatorit është një nga nismat kryesore të Qendrës dhe një platformë thelbësore për edukimin dhe ndërgjegjësimin e konsumatorëve. Ajo ofron trajnime me disa faza për punonjës të administratës publike, tregtarë, konsumatorë dhe përfaqësues të shoqërisë civile, duke u fokusuar në të drejtat e konsumatorit, kontratat dhe institucionet përgjegjëse për mbrojtjen e konsumatorit dhe mbikëqyrjen e tregut.”